الحياة مهنتي .. الطيب كنونة :كلنا سوا

الحياة مهنتي
الطيب كنونة :كلنا سوا
مشهود لينا بين الشعوب بالتفاؤل والتراحم والتاذر في الافراح والاتراح،نحنا شعب عالي الهمة ، شعب بسد الفرقات في الغمة .لينا ولغيرنا،وما جديد علينا،ايام ورمضان الكريم جايين ونحنا كتار ، في قوتنا وعزتنا وسند لينا ولغيرنا،لكن الحال ماياهو الحال ،والحاصل علينا الان لابشبهنا ولامن اعرافنا، الكانوا قراب بقوا بعاد والحرب اصلا ماحبابها،ولا نحنا اصلا ما طرقنا بابا،عام
وكأنه اعوام من الشتات والخراب والبعد عن البيوت والاحباب ، لاسؤال لا جواب من حبيب أو قريب،الجاتنا مابتشبهنا،ولاسعينا ليها،لمتين يطول الغياب والخراب،نادينا بوقف الحرب لأننا شفناها في غيرنا،دروس وعبر،طولها وامتدادها واتساعها بعني الخراب ،ويعني ضياع جيل كنا ومازلنا ادخرناه لمستقبل الأيام الجايات ، جيل يعمر، جيل يبني ويسد الفقرات .ومازلنا ننادي ونقول الحرب ماشبهنا ولا من اصلنا،عام كامل راح ومامعروف متين الشعب يرتاح،من الشرود ومن الهجرات وتكاليف اصلا غير محسوبه الآن، ضياع بيوت كانت مستوره وشوارع كانت معموره،الخراب ماعنده حساب، يتوسع كلما زادت الأيام، من حقنا نعيش في سلام ، من حقنا نلاوي البنادي في استمرار الحرب،ونهزمه بعزيمتنا وثباتنا علي ايقافها، نتضامن كلنا،ننادي كلنا من حقنا،لازم الحرب تقيف.
#معا_لايقاف_الحرب#