ايهاب محمد نصر :بمناسبة عيد الاستقلال شركة الكهرباء (القابضة) قبضة (بنت كلب) تكّرم المواطن السودانى (الفضل) بزيادة (مهووولة) فى اسعار الكهرباء تتجاوز الضعف!

ً *_كلمتين ونص_*

*هاكم المغصة دى*

*_ايهاب محمد نصر_*

بمناسبة عيد الاستقلال الــ (70) شركة كهرباء السودان (القابضة) قبضة (بنت كلب) تكّرم المواطن السودانى (الفضل) بزيادة (مهووولة) فى اسعار الكهرباء تتجاوز الضعف!! تم تنفيذها فعليا ابتدأ من اليوم (1 يناير 2026)، علما بان هذه الشركة (القابضة) تدير هذه الشركة (بازفت) قانون ممكن تتخيلو، وهو ما يعرف بعقود (الاذعان) وزى ما بقولوا الجواب يعرف من عنوانه، اها القانون ده من عنوانه مخيف (كسر رقبة بس) دوس وفطيس لميتين اهل هذا المواطن، القانون ده بيلزم المواطن( الفضل) يجيب الترانس والعمود والاسلاك ويشترى العداد ثم يتنازل عنهم (كراعك فوق رقبتك) لهذه الشركة (القابضة)!! لا وايه تدفع ايجار شهرى للعداد الانت اشتريته من حر مالك! ثم بعد ذلك تدفع قيمة التيار الكهربائى الذى تمت زيادته زيادة مهولة ابتدا من يناير هذا العام!! شفتو المواطن السودانى ده بيتعمل فيه اييه؟ بالله عليكم هل قابلكم ظلم واكل اموال بهذه الطريقة؟ يعنى مثلا بن (الجنيية) الفكر فى القانون ده حيمشى يقول لى ربنا يوم الموقف العظيم شنو؟
اقسم بالله العظيم طوول ما مثل هذا الظلم والاستنكاح والقوانيين (القذرة) دى موجودة، السودان ده ما حيشم ليه عافية ابدا. النصر يا سادة ياتى اولا بالاصلاح الداخلى ورفع الظلم واستعدال الحال المايل ده،
والسيد جبريل قال ايه نبشر العاملين فى الدولة بزيادات فى الاجور! اها شفتو زيادة الكهرباء دى براااها تبلع ابو ام هذه الزيادة ياخ قوم لف.
والله المستعان.